Асцярожна: СПАЙС!
Асцярожна: СПАЙС!
У апошні час вельмі часта ў газетах можна ўбачыць загалоўкі “Школьнікі паміраюць ад сінтэтычных наркотыкаў”, “Ці здольны мы засцерагчы дзяцей ад наркотыкаў?”: праблема набірае абароты. Што ж такое сінтэтычныя наркотыкі (спайс)? Адказ на гэта пытанне можна знайсці ў Інтэрнэце: сінтэтычная курыльная сумесь, якая ідзе ў продаж у выглядзе травы з нанесеным хімічным рэчывам. Падлеткі, маладыя людзі не падазраваюць, што ў гэтай сумесі змяшчаюцца вельмі моцныя галюцынагенныя рэчывы, таіцца смерць… Як засцерагчы нашых вучняў ад гэтай бяды?
Гэтай праблеме былі прысвечаны мерапрыемствы, якія нядаўна прайшлі ў нашым комплексе. Праведзен дзень інфармавання “Разам супраць наркотыкаў”. Для бацькоў і дзяцей адбыўся кіналекторый “Асцярожна: Спайс!”. У класах прайшлі гутаркі: “Наркотыкі – гэта свабода або залежнасць, узлёт або падзенне?”, “Усё аб усім у рэжыме анлайн” і іншыя.
Цікава прайшоў дыспут з выкарыстаннем інтэрактыўных сродкаў “Памерці ад “спайса”. У зоне рызыкі – дзеці і моладзь”, які правяла педагог-псіхолаг комплексу Саўчук А.Ф. Дзецям была прадстаўлены прэзентацыя і відэаматэрыял “Спайс. Пад грыфам “смяротна”. Пасля абмеркавання ўбачанага вучні выканалі тэст “Што ты ведаеш аб шкодзе наркотыкаў?”. У заканчэнні дыспута - рэлакс “Усё ў тваіх руках”
Хочацца спадзявацца, што вучні задумаюцца над гэтай праблемай, бо кожны з іх атрымаў для сябе ўрок.
Жалудкова Т.С.,
настаўнік беларускай мовы і літаратуры
ДУА “Загаранкаўскі НПК д/с- сш”